ഇന്ത്യയിൽ നിന്നുള്ള യാത്രക്കാരുടെ പ്രവേശന വിലക്ക്​ നീളും.

യാത്രാ വിലക്ക്​ നിലവിലുള്ളതായും അത്​ ഉടൻ എടുത്തുകളയാൻ പദ്ധതിയില്ലെന്നും സിവിൽ ഏവിയേഷൻ അതോറിറ്റിയിലെ മുതിർന്ന ഉദ്യോഗസ്​ഥനെ ഉദ്ധരിച്ച്​ പ്രാദേശിക വെബ്​സൈറ്റായ അറേബ്യൻ സ്​റ്റോറീസ്​ റിപ്പോർട്ട്​ ചെയ്​തു. കോവിഡ്​ വ്യാപനത്തെ തുടർന്ന്​ കഴിഞ്ഞ ഏപ്രിലിലാണ്​ ഇന്ത്യയിൽ നിന്നുള്ള യാത്രക്കാർക്ക്​ ഒമാൻ അനിശ്​ചിതകാല പ്രവേശനവിലക്ക്​ ഏർപ്പെടുത്തിയത്​. നിലവിലെ സാഹചര്യത്തിൽ വിലക്ക്​ നീക്കുക പ്രയാസകരമായ സാഹചര്യമാണ്​. രോഗവ്യാപനം സംബന്ധിച്ച പഠനങ്ങളുടെയും മറ്റും അടിസ്​ഥാനത്തിൽ സുപ്രീം കമ്മിറ്റിയാണ്​ വിഷയത്തിൽ അന്തിമ തീരുമാനമെടുക്കുകയെന്നും ഉ​േദ്യാഗസ്​ഥൻ പറഞ്ഞു. അതേസമയം ഒമാനി പൗരന്മാർ, നയതന്ത്ര പ്രതിനിധികൾ, ആരോഗ്യ പ്രവർത്തകരും അവരുടെ കുടുംബാംഗങ്ങളും എന്നിവരെ പ്രവേശന വിലക്കിൽ നിന്ന്​ ഒഴിവാക്കിയിട്ടുണ്ട്​. ആയിരകണക്കിന്​ പ്രവാസികളാണ്​ വിലക്കിനെ തുടർന്ന്​ ഇന്ത്യയിൽ കുടുങ്ങികിടക്കുന്നത്​.