ഒമാനിലെ ആദ്യ ത്രീഡി കോൺക്രീറ്റ്​ പ്രിൻറിങ്​ കേന്ദ്രം ഗാല വ്യവസായ മേഖലയിൽ തുറന്നു

ഒമാനിലെ ആദ്യ ത്രീഡി കോൺക്രീറ്റ്​ പ്രിൻറിങ്​ കേന്ദ്രം ഗാല വ്യവസായ മേഖലയിൽ തുറന്നു. പെട്രോളിയം ഡെവലപ്​മെൻറ്​ ഒമാൻ, സാ​ങ്കേതികരംഗത്ത്​ പ്രവർത്തിക്കുന്ന ഇന്നവേറ്റിവ്​ ടെക്​നോളജി കമ്പനി ഫോർ എജുക്കേഷനൽ സൊലൂഷൻസ്​, നിർമാണ കമ്പനിയായ ഗൾഫാർ എന്നിവ സംയുക്തമായാണ്​ കേന്ദ്രം ആരംഭിച്ചത്​. പരമ്പരാഗത നിർമാണ സാ​ങ്കേതിക വിദ്യക്ക്​ ബദലാണ്​ പുതിയ രീതി. നിർമാണപ്രവർത്തനങ്ങളുടെ വേഗം വർധിപ്പിക്കാൻ പുതിയ രീതി വഴി സാധിക്കുമെന്ന്​ പി.ഡി.ഒ പത്രക്കുറിപ്പിൽ അറിയിച്ചു. മാലിന്യം കുറക്കാനും സ്വദേശികളുടെ തൊഴിൽ ശാക്തീകരണത്തിനും ഇതു​ സഹായകരമാകും.