ഒമാനിൽ 296 പേർക്ക് കൂടി കോവിഡ് സ്ഥിരീകരിച്ചു, 17 പേർ മരണപ്പെട്ടു.

ഒമാനിൽ കഴിഞ്ഞ 24 മണിക്കൂറിനിടെ പുതിയതായി 296 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് ആകെ റിപ്പോർട്ട് ചെയ്ത പോസിറ്റീവ് കേസുകളുടെ എണ്ണം 2,98,020 ആയി. പുതിയതായി 17 കോവിഡ് മരണവും രാജ്യത്ത് റിപ്പോർട്ട് ചെയ്തിട്ടുണ്ട്. ഇതോടെ ആകെ മരണസംഖ്യ 3,906 ആയി. രാജ്യത്ത് 401 പേർ നിലവിൽ ആശുപത്രികളിൽ ചികിത്സയിലുണ്ട്. ഇതിൽ 189 പേർ ഐ.സി.യുവിലാണ്. ഇന്നലെ 33 പേരെയാണ് പുതുതായി ആശുപത്രിയിൽ പ്രവേശിപ്പിച്ചിരിക്കുന്നത്. 94.9 ശതമാനം ആണ് രോഗമുക്തി നിരക്ക്.