OMANOMAN SPECIAL
ഒമാനില്‍ രാത്രികാല ലോക്ക്ഡൗണ്‍ നാളെ ഒഴിവാക്കും
സലാല: രാത്രികാല ലോക്ക്ഡൗണ്‍ നീട്ടാനും രാജ്യത്ത് വരുന്നവര്‍ക്ക് രണ്ട് ഡോസ് വാക്സിനേഷന്‍ നിര്‍ബന്ധമാക്കാനും സുപ്രീം കമ്മിറ്റി തീരുമാനിച്ചു. ആഭ്യന്തര മന്ത്രി സയ്യിദ് ഹമൂദ് ബിൻ ഫൈസൽ അൽ ബുസൈദിയുടെ അധ്യക്ഷതയിൽ ചേർന്ന യോഗത്തിലാണ് തീരുമാനം.
നാളെ വൈകുന്നേരത്തോടെ വാണിജ്യ പ്രവർത്തനങ്ങൾക്കുള്ള ലോക്ക്ഡൗൺ അവസാനിപ്പിക്കാനും ജശങ്ങളുടെയും വാഹനങ്ങളുടെയും യാത്രാ നിരോധനങ്ങള്‍ അവസാനിപ്പിക്കാനും കമ്മിറ്റി തീരുമാനിച്ചു.
2021-2022 അധ്യയന വർഷത്തേക്കുള്ള സ്കൂൾ പ്രവർത്തനത്തിന്റെ പൊതു ചട്ടക്കൂട് വിദ്യാഭ്യാസ മന്ത്രാലയം അവതരിപ്പിക്കുന്നതിന് അനുസൃതമായി അംഗീകരിക്കാനും കമ്മിറ്റി തീരുമാനിച്ചു. ഇക്കാര്യത്തിൽ, വിദ്യാർത്ഥികളുടെയും അധ്യാപകരുടെയും അഡ്മിനിസ്ട്രേറ്റീവ് സ്റ്റാഫുകളുടെയും സുരക്ഷ ഉറപ്പാക്കാൻ ലക്ഷ്യമിട്ടുള്ള ഹെൽത്ത് പ്രോട്ടോക്കോളിൽ ഉദ്ധരിച്ച മുൻകരുതൽ നടപടികളോടുള്ള മുഴുവൻ പ്രതിബദ്ധതയ്ക്കും ഊന്നൽ നൽകിയിട്ടുണ്ട്.
