ഒമാനിൽ 113 പേര്‍ക്ക് കൂടി പുതിയതായി കോവിഡ് ബാധിച്ചു

ഒമാനിൽ കഴിഞ്ഞ 24 മണിക്കൂറിനിടെ പുതിയതായി 113 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് ആകെ റിപ്പോർട്ട് ചെയ്ത പോസിറ്റീവ് കേസുകളുടെ എണ്ണം 3,01,683 ആയി. പുതിയതായി 4 കോവിഡ് മരണവും രാജ്യത്ത് റിപ്പോർട്ട് ചെയ്തിട്ടുണ്ട്. ഇതോടെ ആകെ മരണസംഖ്യ 4,047 ആയി. രാജ്യത്ത് 150 പേർ നിലവിൽ ആശുപത്രികളിൽ ചികിത്സയിലുണ്ട്. ഇതിൽ 67 പേർ ഐ.സി.യുവിലാണ്. ഇതുവരെ 290,813 പേരാണ് ഒമാനില്‍ കോവിഡ് മുക്തരായത്.