കോവിഡ് വ്യാപന കാലത്തെ ഇന്ത്യാ ഒമാൻ ബന്ധം ആഗോള തലത്തിൽ തന്നെ മാതൃകാപരമാണെന്ന് സുൽത്താനെറ്റിലെ ഇന്ത്യൻ സ്ഥാനപതി മുനു മഹാവാർ അറിയിച്ചു. അവശ്യ ഘട്ടങ്ങളിലെല്ലാം പരസ്പരം സഹായിക്കുവാൻ ഇരു രാജ്യങ്ങളും തയ്യാറായെന്നും ഇദ്ദേഹം വ്യക്തമാക്കി. വൈറസ് ബാധ ആരംഭിച്ച ഘട്ടത്തിൽ തന്നെ ഒമാനിലേക്കാവവശ്യമായ മരുന്നുകളും മറ്റും ഇന്ത്യ ലഭ്യമാക്കിയിരുന്നു. ഇതിനൊപ്പം തന്നെ സുൽത്താനേറ്റിൽ നിന്നും മടങ്ങാനാഗ്രഹിച്ച ഇന്ത്യക്കാരെ നാട്ടിലെത്തിക്കുന്നതിനുള്ള ഇടപെടലുകൾ ഒമാൻ ഭരണകൂടത്തിന്റെ ഭാഗത്ത് നിന്നും ഉണ്ടായി. ഈ ബന്ധത്തിന്റെ തുടർച്ചയായിട്ടാണ് കഴിഞ്ഞ ദിവസം ഇന്ത്യയിൽ നിന്നും ഒരു ലക്ഷം ഡോസ് കോവിഡ് വാക്സിൻ സൗജന്യമായി ഒമാനിലേക്ക് അയച്ച് നൽകിയത്